Moubos karong Oktubre ang kinatibuk-ang power transmission rates alang sa mga end consumers, human kini mous-os og 1.23 porsyento ngadto sa P1.39/kWh matod pa sa mga opisyal sa National Grid Corporation of the Philippines (NGCP).
Sa usa ka briefing niadtong Miyerkules, si NGCP Assistant Vice President ug Regulatory Management head Julius Ryan Datingaling miingon nga ang kinatibuk-ang average transmission rate mikunhod gikan sa P1.41 per kilowatt-hour, tungod sa ubos nga ancillary services (AS) rates ug transmission wheeling rate.
Gipasabot niya nga ang transmission wheeling rates mao ang bayranan sa transmission operator alang sa kinatibuk-an niini nga serbisyo sa paghatod sa elektrisidad, samtang ang AS rates nagtumong sa pass-through nga gasto sa reserba nga market-tapped services ug ang bilateral nga mga kontrata nga gisudlan sa NGCP aron makatabang sa pag-stabilize sa transmission grids.
Ang average AS rate para sa September billing period mius-os ug 1.70 percent ngadto sa P0.65/kWh, ug transmission wheeling rate mius-os ug 0.84 percent ngadto sa P0.59/kWh.
