Kusganong gituohan ni kanhi Senador Antonio Trillanes IV nga adunay daghang mga lihok o lakang aron mapugngan ang impeachment trial ni Bise Presidente Sara Duterte.
Sumala ni Trillanes, adunay mga lakang nga gihimo sa kampo ni VP Sara ug sa iyang mga supporters aron iduso ang daghang mga lakang nga nagtumong sa pagkabalda ang pag-uswag sa pagdungog.
Usa sa mga nag-unang lakang mao ang pagpagawas ug padayon nga paghimo-himo sa istorya sa 18 ka kanhing bodyguard sa Zaldy Co aron daoton ang mga personalidad nga nagduso sa impeachment complaint.
Lakip niini ang mga paningkamot sa destabilisasyon aron lang mahunong ang trial o mahugawan kini sa mga kontrobersyal nga isyu.
Giinsister ni Trillanes nga gusto sa kampo sa bise presidente nga ang trial makamugna og ‘political outrage’ ug maimpluwensyahan ang opinyon sa publiko pabor kaniya, apan miingon siya nga dili kini mahitabo, busa ang nahisgutang kampo siguradong mohimo og ubang mga lakang aron mahunong kini.
Sa laing bahin, una nang miingon ang defense team ni VP Sara nga ang ilang kampo kay andam nga atubangon ug tubagon ang kaso sa impeachment court.
