Gikatakdang mopasaka og bag-ong kasong plunder ug graft si kanhi Senador Antonio Trillanes IV, uban sa grupo nga The Silent Majority batok kang Bise Presidente Sara Duterte karong Miyerkules, sa Office of the Ombudsman sa Quezon City.
Ang reklamo may kalabutan sa giingong mga anomaliya sa paggamit sa pundo sa dihang siya nagserbisyo isip Kalihim sa Department of Education ug Mayor sa Davao City.
Sumala ni Trillanes, ang katuyoan sa kaso mao ang pagpanubag kang Duterte sa mga alegasyon sa korapsyon ug sayop nga pagdumala sa mga pampublikong kahinguhaan.
Mahinumduman nga niadtong Oktubre 2025, si Trillanes nagpasaka usab og reklamo batok kang kanhi Presidente Rodrigo Duterte ug Senador Bong Go kalabot sa giingong dili regular nga paghatag og bilyon-piso nga mga proyekto.
Kini nga lakang kabahin sa mas lapad nga kampanya sa kanhi senador aron iduso ang transparency ug accountability sa gobyerno.
Wala pa’y tubag ang kampo ni VP Duterte bahin sa isyu.
