Kusganong gibarugan ni US President Donald Trump nga dili niya tugutan ang Israel nga sakupon ang West Bank.
Gipasiugda niini nga bisan nga si Israeli Prime Minister Benjamin Netanyahu ang nagpahibalo nga ilang gikonsiderar ang West Bank nga bahin sa ilang teritoryo, apan babagan kini ni Trump.
Ingon man nga subling gikatakda nga magkita pagbalik sila si Trump ug Netanyahu karong Lunes.
Kahinumdoman nga ang Israel nag-atubang sa grabeng pressure kabahin sa hingpit ng tapuson ang gubat sa Gaza.
Sa pikas bahin, atol sa iyang pakigpulong, gisaway ni Netanyahu ang mga nasud nga miila sa Palestinian State ug gitawag kini nga makauulaw.
Nagbutang usab og loudspeaker ang Israel Defense Forces sa utlanan sa Gaza aron madungog ang pakigpulong ni Netanyahu sa New York.
Gihatagan niya og gibug-aton nga wala nila makalimtan ang pagkidnap sa Hamas sa mga Israelis sa pag-atake kaniadtong Oktubre 7, 2023.
