Gilauman ni US President Donald Trump ang panghinaot nga magkaabot og bag-ong kasabutan tali ni Chinese President XI Jinping diin sila gikatakdang mag-abot sa South Korea sunod semana.
Gipanglantawan nga maglakip sa hisgutanang pamatigayon sama sa soybean purchases ug ang limitasyon sa armas de nukleyar.
Matod pa ni Trump atol sa press briefing niini sa Oval Office sa White House niadtong Miyerkules (oras sa Amerika) nga iapil niya sa ilang panaghisgot ang pag-abiso niini sa pagpugong sa pagpalit sa produktong lana gikan sa Russian aron matapos na ang giyera niini tali sa Ukraine nga anaa karon sa ikatulong tuig.
Ingon man nga gipakaminosan sa Amerikanong president ang importansya sa pagpakunhod sa China sa pag-eksport niini sa mga rare earth magnets nga nakapahatag og kabalaka sa kalibutanong merkado.
Tungod sa pressure gikan sa mga Amerikanong soybean farmers, gipanglantawang si Trump kay makahipos og kasabutan ni Xi aron manubalik ang pagpalit sa China ug soybeans gikan sa US.
