Nipagawas og pamahayag si U.S President Donald Trump, nga iyang gisusi karon ang usa ka bag-ong sugyot gikan sa Iran nga nagtumong sa pagpakunhod sa tensyon ug posible nga pagkab-ot sa kasabutan tali sa duha ka nasod.
Miingon si Trump nga dili pa kini madawat sa iyang bahin, tungod kay ang Iran wala pa, sumala niya, makabayad o makatubag sa ilang mga nahimo sa milabay nga 47 ka tuig.
Bisan pa niini, giingon niya nga bukas siya sa posibilidad sa negosasyon, apan wala siya mouyon sa pipila sa mga kondisyon nga gipangayo sa Iran.
Nagpabilin usab ang kabalaka sa posibleng pagtaas sa tensyon sa rehiyon, ilabi na sa palibot sa Strait of Hormuz, diin nagpadayon ang panawagan sa Iran nga tangtangon sa Estados Unidos ang pipila ka restriksyon sa dili pa magpadayon ang bisan unsang pormal nga negosasyon.
Giingon usab ni Trump nga andam ang Iran sa pakig-negosasyon, apan dili pa kini andam motuman sa mga kondisyon nga giila nga kinahanglanon alang sa usa ka pormal nga kasabutan.
