Gipahibalo ni US President Donald Trump ang gitawag niya nga ‘energy ceasefire’ tali sa Ukraine ug Russia, human ang mga pag-atake sa duha ka habig sa mga imprastraktura sa enerhiya nakadugang sa presyur sa presyo sa enerhiya sa tibuok kalibutan.
Matud niini nga ang maong kasabutan kay epektibo dayon human giingong nagka-uyon ang duha ka nasud.
Gikataho usab nga nanawagan si Ukrainian President Volodymyr Zelenskyy alang sa kinatibuk-ang ceasefire ug miingon nga magpahigayon siya og eleksyon kung mouyon si Russian President Vladimir Putin sa 60 ka adlaw nga ceasefire, samtang nagkagrabe ang mga pag-atake sa Russia sa Ukraine.
Ingon man nga una niini, gisaway pag-ayo ni Trump ang presidente sa Ukraine tungod sa pag-atake sa mga oil refinery sa Russia, usa ka adlaw human temporaryong gitangtang sa US ang mga silot sa gasolina sa Russia nga orihinal nga gipatuman aron pahuyangon ang paningkamot sa gubat sa Moscow sa Ukraine.
