Gipahibalo ni US President Donald Trump nga ang Iran miuyon sa pag-inspeksyon sa mga nuclear facilities niini “hangtod sa hangtod.”
Apan gihimakak dayon kini sa Iran ang maong pamahayag.
Matud ni Trump sa iyang online account nga ang Iran hingpit nga miuyon sa umaabot nga mga inspeksyon sa nuclear.
Giinsistir usab niya nga ang binilyon nga dolyar sa mga naka-freeze nga asset sa Iran nga ipagawas sa US gamiton lamang sa pagpalit og pagkaon ug mga suplay sa medikal gikan sa mga kompanya sa US.
Apan hugot nga gihimakak sa Iran ang mga pangangkon ni Trump. Diin ang mga opisyal sa Iran miingon nga wala pa sila magsugod sa pormal nga mga panagsultihanay bahin sa ilang programa sa nuclear sa usa ka meeting sa Switzerland.
Si Ali Bahreini, ang embahador sa Iran sa UN sa Geneva, miingon usab nga ang Iran ang modesisyon kung unsaon paggasto ang kaugalingon nga pondo, sukwahi sa mga pangangkon ni Trump.
