Gipahibalo ni U.S. President Donald Trump nga ang Estados Unidos mohunong sa pagpamomba batok sa Houthi militanteng grupo sa Yemen human sa 51 ka adlaw nga panagsangka, isip tubag sa sunod-sunod nga pag-atake sa rebeldeng grupo sa mga barko sa Red Sea.
Matod ni Trump, dili na makig-away ang rebeldeng grupo, ug agi’g tubag tahuron sa U.S. ang ilang pamahayag ug ihunong na ang pagpamomba niini.
Bisan pa, wala’y klaro nga mga detalye nga gipagawas sa U.S. Defense Department bahin sa kalit nga pagbag-o sa ilang estratehiya, sumala sa mga opisyal, kapin sa 1,000 ka mga target ang naigo sa operasyon, lakip na ang mga kampo, mga depot sa armas, ug mga missile sa militanteng grupo.
Apan, mialma ang mga Houthi sa giingon ni Trump ug miingon nga dili nila ihunong ang pag-atake hilabi na sa Israel hangtud dili mahuman ang ‘agresibong gibuhat sa Gaza’.
Ingon man nga wala pay reaksyon ang gobyerno sa Israel kalabot sa giingon sa Houthi rebel.
Samtang, wala usab giklaro ni Trump kung ang kasabutan naglangkob sa nagpadayon nga pagbinayloay sa pag-atake tali sa Houthis ug Israel, nga bag-o lang mibomba sa usa ka airport sa Israel.
Ang Estados Unidos nagpadayon sa pagpasidaan sa Iran bahin sa suporta niini alang sa Houthis, apan ang Departamento sa Estado miinsistir nga kini bulag sa kasamtangang interim nga kasabutan uban sa Houthis.
