Gihulga ni US President Donald Trump nga pabuthon ang South Pars gas field sa Iran kung atakehon pag-usab niini ang mga pasilidad sa enerhiya sa Qatar.
Ang South Pars kun North Dome field giisip nga pinakadako nga gas field sa tibuok kalibutan.
Gipahibalo kini ni Trump pinaagi sa iyang post sa Truth Social nga kung targeton pag-usab sa Iran ang mga pasilidad sa natural gas sa Qatar, ang US mobalos pinaagi sa pagguba sa tibuok South Pars Gas Field.
Gihimo sa Presidente sa Estados Unidos ang hulga human sa mga taho nga adunay “dakong kadaot” sa mga pasilidad sa Liquified Natural Gas (LNG) sa Qatar tungod sa mga pag-atake sa Iran.
Gipasalig ni Trump nga wala nay mga pag-atake gikan sa Israel sa Iran, apan nagpasidaan nga ang US mobalos kung atakehon pag-usab ang Qatar.
