Nanawagan si Sen. Risa Hontiveros nga ilakip ang mga kooperatiba sa transportasyon sa tabang sa gobyerno aron matubag ang nagkataas nga presyo sa lana nga gipahinabo sa nagpadayon nga panagbangi sa Middle East.
Sumala sa senadora, wala pay tabang nga gihatag sa mga kooperatiba sa pagkakaron, mao nga daghang mga drayber ang dili makabiyahe, ilabi na kay gi-postpone ang plano sa pagpataas sa pletehan.
Sumala ni Hontiveros nga ang tanang transport service providers, dili lang ang mga indibidwal nga anaa sa krisis, kay gakinahanglan suportahan aron malikayan ang pagkaparalisa sa pampublikong transportasyon sa nasud.
Dugang niya nga ang tabang kinahanglan ihatag sa tanang klase sa mga PUV driver, bisan kung dili sila lakip sa mga pinakakabus, tungod kay kinahanglan nila ang dali nga dugang nga kita.
Agig tubag, gihangyo niini ang Department of Budget and Management (DBM) nga tun-an kung giunsa magamit ang P30-bilyones nga pondo sa Department of Social Welfare and Development (DSWD) para sa programa niini nga Assistance to Individuals in Crisis Situation (AICS), ingon man ang suporta sa iyang gisugyot nga supplemental budget nga P52.8-bilyones. Apil niini ang P12-bilyones nga subsidy sa transportasyon para sa mga PUV driver, delivery riders, ug TNVS drivers.
Sukad niadtong Pebrero 28, nagkataas ang presyo sa lana tungod sa gubat sa Middle East, diin ang Estados Unidos ug Israel nagpahigayon og mga operasyong militar batok sa Iran, nga gisundan sa pagpamomba sa Iran sa mga kaalyado sa U.S. ug Israel sa rehiyon.
