Nagkasumpaki ang mga pamahayag ni US President Donald Trump bahin sa gubat tali sa US ug Iran, samtang hapit na matapos ang 14 ka adlaw nga ceasefire.
Matud niini nga wala siya magdali sa pagsulbad sa panagbangi, apan posible pa ang bag-ong mga negosasyon sa Pakistan.
Dugang ni Trump nga posible nga magpadala og team sa US alang sa mga panagsulti, bisan pa nga midumili ang Iran hangtod nga mausab ang posisyon sa Washington.
Nagpasidaan usab siya nga ang sitwasyon mahimong mograbe kung walay kasabutan.
Sa laing bahin, ang Iran mipugos nga dili kini makigsabot ubos sa hulga ug giakusahan ang US nga napakyas sa pagtuman sa kasabutan sa ceasefire. Ingon man nga nagpabilin usab nga taas ang tensyon sa Strait of Hormuz.
Sa kasamtangan, wala pa klaro kung ang ceasefire mosangpot ba sa bag-ong mga panagsulti sa kalinaw o usa ka hingpit nga pagkahugno.
