MUMBAI, INDIA-Nakurat ang usa ka doktor sa dihang iyang naamgohan nga daw tudlo sa usa ka taw ang iyang napaakan nga gahi sa ice cream nga iyang gipalit sa Mumbai, India diin unang gituohan niini kay usa ka mani.
Matud ni Dr. Orlem Brandon Serrao, kinsnag reklamante nga nagkanayon nga ni-order og ice cream online kay gusto niyang magpundo og mga pagpabugnaw tungod sa grabeng kainit sa India.
Gikaon dayon niya ang usa sa iyang gipamalit, ug adunay napaakan nga gahi diin abi niyag mani.
Apan sa dihang iyang gisusi, iyang naamgohan nga tudlo kini sa tawo.
Gibutang ni Serrao ang giingong tudlo sa ice pack ug gidala sa kapulisan isip ebidensiya sa reklamo nga iyang ipasaka batok sa ice cream company.
Ingon man nga nadawat sa kompanya ang reklamo ug mokooperar sila sa gihimo nga imbestigasyon.
