CEBU – Patay ang tulo ka buwan nga mabdos human nga gipusil sa wala pa mailhing mga mamumuno sa Sitio Lower Pungsod, Purok Orange, Barangay Lawaan III, dakbayan sa Talisay.
Giila ang biktima nga si Lynde Braga, 31 anyus ug residente sa nahisgutang lugar.
Gipadayag ni Patrolman Milfred Labitad sa Talisay City Police Station nga ala una kaganihang kaadlawun samtang natulug ang biktima kauban ang iyahang 10 ka buwan ug 3 anyus nga anak, sa dihang gisulud kini sa mga suspek ug gipusil sa ulo.
Basi na usab sa nakuha nga impurmasyon sa kapulisan gikan sa purok leader nga si Maricel Labuca, giingung ang 3 anyus nga anak sa biktima ang nangayu ug tabang sa ilahang silingan sa dihang misibat na ang mga suspek.
Giingung adunay naningil ug utang kagabii nga susamang hilabihan kasuku, ug mihulga nga balikan niini ang biktima.
Hinu-un, dili masulti sa kapulisan kung unsa kining klasi nga utang, apan sa nasayran nga tiggamitan ug iligal nga drogas si Braga.
Nasayran nga nasikup usab ang asawa niini niadtung bulan sa Marso gumikan sa pagpamaligya ug iligal nga drogas.
Narekober sa crime scene ang usa ka magazine nga adunay mga buhing bala ug kabhang sa bala sa kalibre .45 nga armas.
Gisuta karun sa kapulisan ang motibo sa nahisgutang krimen.
