CEBU CITY,CEBU- Mabungahon ang pagpatawag sa tulo ka tinun-an sa University of Cebu – Main Campus, College of Computer Studies sa Kagamhanan sa Probinsiya sa Sugbo human nga ang gimugna nila nga real time-app diin nakatabang gayud sa mga apektado sa linog sa Amihanang Sugbo.
Diin gipasayon ug gipa-paspas niini ang pagsubay sa mga hinabang ug aron makita ang mga lugar nga wala pagayud nga nahatdan.
Atol sa pakighinabi sa Bombo Newsteam sa tulo ka tang-an nga sila si Vince Clave Igot, Ralph Adriane Dilao, ug Clint Alonzo, gipalapdan niini ang pagpasabot sa tumong sa ilang gimugna.
Matud ni Clint Alonzo nga niadtong Oktubre 1, nakita nila ang mga yangungo sa kadaghanan nga daw wala naabot ang mga hinabang, busa nakahuna-huna kini og kontak kang Vince ug wala damha nga susama diay sila og nahunaan.
Ingon man nga pinaagi sa ilang app kay nakunhuran ang mga nadawat nga reklamo ug nahatagan og pagtagad ang hilit nga lugar nga wala naadtoan.
Milungtad usab og kapin sa 6 ka oras ang paghimo sa maong app, apan matud ni Vince Datanagan nga wala nahimong babag ang pipila ka mga hagit nga ilang gisagubang sama nalang nga wala sila nag-uban niadtong higayon.
Gitagsa-tagsa usab niini ang mga pamaagi nga makasulod sa app diin maka-pin gumikan nagtanyag og real-time nga mapping ug mga feature sa pagsuporta nga gidisenyo aron makonektar ang mga apektadong komunidad sa mga responders nga mas episyente, ingon man nga mamahimong i-pin ang ilang nahimutangan kon wala sila makadawat og tabang, samtang ang mga boluntaryo, LGUs, NGOs, ug charitable groups makasubay sa mga dapit nga angayan nga hatdan sa mga hinabang.
Nipadayag usab ang tulo sa ilang nabati nga kalipay ug pasalamat sa mga nadawat nga ‘positive feedbacks’ diin mas nipadasig pa kanila.
Apan, tungod sa kaepektibo sa maong app kay dili gayud malikayan nga adunay mga tawo nga mapahimuslanon, busa giawhag ni Ralph Adriane Dilao nga dili butangan og mga dummy accounts aron lang makapalimbong, inay kinahanglan nga magtinabangay ning panahon sa katalagman.
