Makasinati ang ubang bahin sa nasud og pag-ulan tungod sa tulo ka weather system sumala sa state weather bureau.
Basi sa datos nga gipagawas sa PAGASA, ang gitaho nga shearline nagdala og madag-umon nga kalangitan nga adunay katag-katag nga pag-ulan ug kilat sa pipila ka bahin sa Cagayan, Isabela, ug Aurora.
Samtang ang easterlies magdala og kaylap nga madag-umon nga panahon ug mga tinulo sa ulan sa Quezon Province, Metro Manila, ug sa nahabilin nga bahin sa nasud.
Apektado usab sa Northeast Monsoon o amihan, ang Ilocos Norte, Apayao, Batanes, ug Babuyan Island diin gilauman usab nga makasinati og madag-umon nga kalangitan ug hinay nga pag-ulan.
Busa, nagpadayon ang PAGASA sa pagpasidaan sa publiko nga magpabiling alerto ug mabinantayon hilabi na ang mga lugar nga prone sa mga flashflood o landslide.
