Naka-angol og ubay-ubay nga mga indibidwal human nabangga ang usa ka SUV sa railings sa Ninoy Aquino International Airport Terminal 1 sa departure area karong buntag, Mayo 4, 2025.
Sa pagkakaron, secured na ang nasangpit nga lugar apan limitado gihapon ang access sa mga awtorisadong personnel gikan sa New NAIA Infra Corp. (NNIC), Philippine National Police (PNP), ug MIAA Security nga nagpahigayon og lawom nga imbestigasyon.
Gihatagan dayon og inisyal nga medikal nga pagtambal ang mga indibidwal nga nasamdan sa insidente.
Sa pagkakaron anaa na sa kustodiya sa PNP ang drayber sa maong SUV.
Ang pamunuan sa NNIC, sa laing bahin, nihangyo nga wala’y espekulasyon nga himuon bahin sa insidente ug gipaabut ang taho gikan sa mga hingtungdan nga ahensya nga nanguna sa imbestigasyon.(Bombo Irene Ardiente)
