UGANDA-Kritikal karon ang kahimtang sa Ugandan runner human gisunog sa iyang uyab.
Si Rebecca Cheptegei, usa ka distance runner nga mitapos sa ika-44 sa Paris Olympics, nakaagom og grabeng kadaot.
Matod ni Trans Nzoia County Police Commander Jeremiah ole Kosiom, kalit nga giatake sa suspek nga si Dickson Ndiema ang iyang uyab sa balay niini sa kasadpang Trans Nzola county.
Giingong kalit lang kining gibuboan og kemikal ug gisunog ang biktima.
Sa wala pa mahitabo ang insidente, giingong nagkalalis ang managhigugmaay nga miresulta sa pagkasunog.
Bisan ang lawas sa suspek nasunog ug gidala sila sa Moi Teaching ug Referral Hospital sa Eldoret City.
Sa pagkakaron nagpaalim na sa tambalanan ang biktima samtang gipaabot sa mga otoridad ang pagpasaka og kaso batok sa suspek.
