Gipahibalo sa United Kingdom ang dugang nga £450 milyon nga kantidad sa military support alang sa Ukraine.
Ang pahibalo gihimo samtang ang UK ug Germany nag-host sa 27th Ukraine Defense Contact Group sa Brussels.
Kini ang unang higayon nga ang mga kalihim sa depensa sa UK ug Germany ang nangulo sa meeting, tungod kay kini kaniadto gipangulohan sa kalihim sa depensa sa Estados Unidos, gawas sa dihang si Donald Trump milingkod isip presidente niadtong Enero.
Sumala sa Ministry of Defense, ang bag-ong dako nga military support package mao ang pagtabang sa pagpalig-on sa armadong pwersa sa Ukraine taliwala sa nagpadayon nga depensa niini batok sa Russia.
Apil sa military package ang £160 million nga pondo sa UK para sa pag-ayo ug pagmentinar sa mga sakyanan ug kagamitan nga gihatag sa UK ngadto sa Ukraine.
Ang military aid package naglakip usab sa radar systems, anti-tank mines ug gatusan ka libo nga mga drone nga nagkantidad og kapin sa £250 milyon.
