Pormal nga gipahibalo ni United Kingdom Foreign Minister Ed Miliband ang pagpahamtang sa mga silot batok saillegal Israeli settlements sa giokupar nga West Bank.
Sa iyang pakigpulong sa parlamento niadtong Martes, gipasiugda ni Miliband nga ang Britain mopatuman sa pagdili sa pag-import sa mga produkto nga gikan sa nahisgutang mga pinuy-anan sa Israel.
Dugang pa, ang gobyerno maglatid usab og comprehensive regime sa mga silot nga nagdili sa paghatag og pinansyal nga tabang, serbisyo sa konstruksyon, ug uban pang komersyal nga suporta alang sa maong mga komunidad.
Kini nga lakang sa UK gibase sa 2024 Advisory Opinion sa International Court of Justice (ICJ) nga nagdeklarar sa padayon nga presensya ug pagpalapad sa Israel sa West Bank nga supak sa internasyonal nga balaod.
Sumala ni Miliband, ang tumong sa bag-ong palisiya sa London mao ang pagpanalipod sa posibilidad sa usa ka solusyon sa duha ka estado taliwala sa nagkagrabe nga kapintasan sa mga ekstremista nga mga lumulupyo batok sa mga Palestinian.
Ang desisyon diha-diha dayon nakakuha og kusog nga pagsaway gikan sa gobyerno sa Israel, samtang ang pipila sa mga kaalyado niini sa Kasadpan nagpahayag usab og kabalaka bahin sa posible nga epekto niini sa kalig-on ug diplomatikong relasyon sa rehiyon sa Middle East.
