CEBU – Motanyag lang og P180 nga presyo ang matag usa sa mga sulod sa binandol nga sinina nga gibaligya sa usa ka reseller.
Apan kanunay kining nakurat sa pag-post niini sa social media ug niabot og P90,000 ang tanyag sa usa sa maong sinina.
Sa dili pa dugay, nahimong unod sa mga balita ang panag-ilogay sa mga reseller sa mga sinina sa usa ka ukay-ukay store sa Davao Oriental.
Kini gumikan na usab, kung maswertehan ang pipila ka reseller sa mga sinina og makakuha og mga branded mabaligya nila kini sa mas taas nga presyo.
Sama nalang kung ang usa ka reseller nga nakakuha og daghang sinina nga iyang gibaligya sa kantidad nga P75, ug gibaligya sa kantidad nga P750.
Apan, lahi ang nahimong kasinatian ni Shaira Earl Alagara, nga usa usab ka reseller og mga sinina nga gikan sa ukay-ukay sa Pontevedra, Negros Occidental tungod ang usa ka buok sinina nga uban sa bandol nga ukay-ukay nga iyahang napalit sa kantidad nga P5,500, andam nga paliton sa usa ka customer og P90,000.
Matod pa ni Shaira, nga nipis lang ang maong sinan nga adunay naka-imprenta nga nawng sa usa ka lalaki nga usa ka foreign celebrity ug adunay nakasuwat nga “nuff respect” ug adunay petsa nga 1992.
Nakugang kini apan dako kaayo ang kalipay niini gumikan dako kaayo og tabang sa iyahang pagtungha, pamilya ug negosyo ang maong kantidad.
