Gikumpirma sa Ukraine nga giguba niini ang duha ka dagkong tulay sa Russia pinaagi sa paggamit sa barato nga mga drone nga nagkantidad og $600 aron pabuthon ang mga mines ug mga ammunition nga gitanum sa mga pwersa sa Russia.
Gibutangan na kaniadto sa Russia og mga pabuto ang duha ka mga taytayan aron pabuthon kini sa higayon nga ang mga pwersa sa Ukraine kalit nga muabante.
Bisan pa, sumala sa militar sa Ukraine, gigamit usab sa militar sa Russia ang mga taytayan aron masuplay pag-usab ang ilang mga tropa, busa gigamit kini sa Ukraine sa ilang kaugalingon nga bentaha.
Ang 58th Separate Motorized Infantry Brigade sa Ukraine ang nagpahigayon sa operasyon, nga gilusad human namatikdan ang dili kasagaran nga kalihokan sa lugar.
Sa video nga nakuha sa drone, nadiskubrehan ang dakong ihap sa anti-tank mine ug uban pang mga bala ug mga panapton, mao nga ila kining gipabuto.
Sa pagkakaron, wala pay komento ang Russia bahin sa pag-atake sa mga taytayan.
