-- ADVERTISEMENT --
Natanggong sa prisuhan ang usa ka 29-anyos nga ulit-tawo human nakuhaan og ginadiling drugas nga mikantidad og 1.5-million pesos atol sa buybust operation sa Sitio Pungtod, Brgy. Mambaling, sa dakbayan sa Sugbo.
Giila ang dinakpan nga si Eric Booc, residente sa maong lugar, ug walay trabaho.
Matud ni Police Corporal Ian Jude Madriano sa Mambaling Police Station, nga napalitan si Booc og shabu nga gibana-banang mokabat og 9,000 pesos gikan sa usa ka poseur buyer.
Hinungdan nga nasikop dayon ang 29-anyos nga dinakpan atol sa operasyon.
Nakuhaan si Booc og 230 gramos sa shabu diin mibalor kini og 1.5 million pesos.
-- ADVERTISEMENT --
Mag-atubang ang dinakpan og kasong kalapasan sa Sections 5 ug 11 sa Republic Act 9165 o Comprehensive Dangerous Drugs Act.
