Dili moapil ang unom ka nasod sa Southeast Asia sa ika-75 nga edisyon sa Miss Universe pageant nga gikatakdang ipahigayon sa Puerto Rico.
Ang mga nasod nga dili moapil mao ang Thailand, Vietnam, Indonesia, Malaysia, Singapore ug Laos.
Gituohang may kalabotan ang ilang dili pag-apil sa panaglalis tali sa Miss Universe Organization (MUO) ug sa Miss Universe Eastern, usa ka regional division nga gipangulohan ni Nawat Itsaragrisil, ang nagtukod sa Miss Grand International.
Matud ni Raul Rocha sa MUO, wala gitugotan sa organisasyon ang paghatag og mga prangkisa sa Miss Universe Eastern alang sa maong unom ka nasod.
Samtang, giklaro sa Miss Grand International (MGI) nga ang unom ka mga naghupot sa titulo magpadayon sa ilang mga korona ug sa pagtuman sa ilang mga responsibilidad sa tagsa-tagsa nilang nasod.
