Anaa sa luwas nga kahimtang ang unom ka mga mananagat gikan sa Sta. Fe, Bantayan Island, Cebu human gi-rescue sa ilang local government unit.
Kini ang gikompirmar sa Cebu Provincial Disaster Risk Reduction and Management Office base sa nadawat nilang report gikan sa barangay kapitan sa maong lugar.
Giila ang nahisgutang mga mananagat nga silang Dadang Ofquiera, Ernel Derder, Bordog Pacilan, Bong Ilustrimo, Dodoy Ofquiera, ug Wenok Manzanares.
Matud ni Sanchez nga wala nanagat ang unom ka mga tawo niadtong Disyembre 24 sa gabii apan gisuway nila og rescue ang naanod nilang pumpboat.
Dugang pa niini nga posibleng nadala sila sa kusog nga hangin ug bawod sa dagat hinungdan nga nawala sila.
Naluwas ang mga nahisgutang mananagat human mipahigayon ang LGU sa Santa Fe ug Municipal Disaster Office og search and rescue operation.
‘Epekto ni Ursula’
Samtang sutaon sa Cebu PDRRMO ang epekto sa bagyong Ursula sa Northern Cebu pinaagi sa ilang aerial inspection.
Kini aron makahukom ang Provincial Government kung ipaubos ba ang lalawigan sa state of calamity.
Samtang nagpaalim pa sa tambalanan ang duha ka mga naangol gikan sa lungsod Bantayan atol sa bagyo.
