CEBU CITY-Nasikop ang labing menos upat ka mga tawo, lakip ang duha nga giingong nag-operate og drug den, ingon man duha ka mga bisita sa drug den, sa buy-bust operation sa Barangay Duljo Fatima gabie Miyerkules, Hunyo 14, 2023.
Kung diin mga alas 6:10 sa gabii, ang mga operatiba sa PDEA Cebu Provincial Office, uban sa CCPO Station 11 ug PNP-RIU7 Metro Cebu, nipahigayon sa buy-bust operation sa Sitio Lower Galili, Barangay Duljo Fatima, dakbayan sa Sugbo.
Nasikop ang mga sakop sa operasyon ug ang maintainer sa drug den nga si Joel Pastoril, alyas Dodong, 42, ug ang empleyado sa drug den nga giilang si Rachelle Hamoy, 38.
Nasikop usab ang duha (2) ka bisita sa drug den nga sila si Mark Delos Reyes, 30, ug Mohiamin Panantaon, 26.
Atol sa operasyon, nakumpiska ang unom (6) ka pakete sa gituohang shabu nga motimbang og 20 gramos nga gibanabanang mobalor sa P136,000 ug mga drug paraphernalia.
Kasong paglapas sa Sections 5, 6, 7, 11, ug 12 sa Article II sa RA 9165 ang ipasaka batok sa mga suspek.
