Kalit nga gibawi ni US Defense Secretary Lloyd Austin ang plea agreement alang sa giingong mastermind sa 9/11 terror attacks ug sa iyang mga kauban.
Sa usa ka surprise memorandum nga gipagawas, si Austin miingon nga ang responsibilidad alang sa usa ka hinungdanon nga desisyon anaa kaniya.
Kahinumduman, 2 ka adlaw ang milabay, ang Pentagon mipahibalo nga usa ka plea deal ang nakab-ot alang kang Khalid Sheikh Mohammed, mas nailhan nga KSM ug sa iyang 2 pa ka kauban nga mga akusado, nga sila si Walid Bin ‘Attash, ug Mustafa al-Hawsawi nga giakusahan nga nagplano sa pag-atake niadtong Septiyembre 11, 2001, apan ang kasabotan nakapukaw sa kasuko sa mga kabanay sa mga napatay sa 9/11 terror attack.
Sa memo nga gipadala ni Austin sa overseer sa kaso nga si Susan Escallier, giingon nga ang hepe sa Pentagon nag-withdraw sa 3 ka pre-trial agreements nga iyang gipirmahan niadtong Hulyo 31, 2024 nga nagkanselar sa death penalty sa 3 ka akusado.
Ang kaso batok sa mga akusado sa 9/11 naghulat sa daghang mga tuig samtang ang mga akusado nagpabilin nga natanggong sa base militar sa Guantanamo Bay sa Cuba.
