Gisaway ni US Defense Secretary Lloyd Austin III ang mga iresponsableng aksyon sa China sa West Philippine Sea nga miresulta sa pagkadaot sa usa ka barko sa Pilipinas ug pagkaangol sa mga navy personnel sa nasod.
Mihimo sa pamahayag ang opisyal sa US atol sa usa ka joint press conference sa US Indo-Pacific Command headquarters sa Honolulu, Hawaii.
Gitambungan usab kini ni PH Defense Secretary Gilberto Teodoro Jr., Australian Deputy Prime Minister ug Minister for Defense Richard Marles ug ni Japanese Minister of Defense Kihara Minoru.
Matod ni Austin, ang maong aksyon usa usab ka pagsalikway sa internasyonal nga balaod diin ang mga tripulante nga Pinoy naangol ug nakadaot sa mga barko sa PH.
Gitumbok usab ni US Defense chief, nga ang water cannon bombardment sa China Coast Guard sa usa ka barko sa PH nakaangol sa tulo mga Navy personnel samtang nagpahigayon og resupply mission sa Ayugin shoal niadtong Marso 23.
Kung diin ang CCG migamit sa unang higayon og kusog kaayong water cannon sa supply mission sa duha ka barko sa PCG ug BFAR sa Panatag shoal nga miresulta usab sa pagkaguba sa mga railings ug canopy sa barko sa PH.
