CEBU CITY — Nagpabiling malinawon ang ubang mga estado sa Amerika human sa pinili-ay sa US Presidential Elections diin nakuha ni Democrat ug US President-Elect Joe Biden ang magic 270 electoral votes.
Kini ang paghulagway ni Bombo International Correspondent Daniel Quindao Guden kinsa partikular nga nanukad gikan sa Pico Rivera, California atol sa pakighinabi niini sa programang Bombohanay Bigtime.
Matod ni Guden nga malinawon nga nagselebrar sa kada-ugan ni Biden ang mga suporters niini diin nisunod usab kini sa health protocols batok sa coronavirus.
Segon kang Guden nga lakip sa nag-unang balita karon sa Amerika mao ang paghan-ay ni President-Elect Biden sa mga pama-agi alang sa pagsumpo sa kaso sa COVID-19 sa Estados Unidos.
Gani usa matod pa sa kamandu-an nga gipakana-ug mao pagsunod sa mga health protocols sama sa pagsul-ob ug facemask aron kalikayan ang pagkuyanap pa sa makamatay’ng virus.
Samtang segon kang Guden nga hangtod karon wala pa’y plano ang kampo ni outgoing US President Donald Trump nga mo-concede human sa nigawas nga resulta sa pinili-ay. (gbs)
