Gipanghimakak sa US First Lady Melania Trump nga suod siya sa namatay nga child sex trafficker nga si Jeffrey Epstein.
Miingon siya nga walay kamatuoran ang mga taho nga suod siya kang Epstein.
Gipanghimakak usab niya nga si Epstein ang yawe sa iyang pagpakigkita kang US President Donald Trump.
Nanawagan usab siya sa Kongreso sa US nga magpahigayon og hearing sa mga nakaluwas sa sex trafficking ni Epstein.
Miingon usab siya nga dili siya biktima ni Epstein busa klaro nga ang balita nga migawas usa lamang ka matang sa pagbutangbutang.
Usa ka ilado nga Amerikanong Financier si Epstein ug nakonbikto nga sex offender tungod sa pagpadagan sa usa ka sex trafficking network lakip ang mga menor-de-edad niadtong 2008.
Misulod siya sa usa ka guilty plea sa Florida court sa usa ka kaso sa soliciting prostitution gikan sa usa ka menor-de-edad ug human sa 13 ka bulan nga pagkabilanggo, gibuhian siya.
Niadtong 2019, gidakop siya pag-usab sa mga kaso sa federal trafficking ug samtang anaa sa prisohan, kay naghikog siya.
