-- ADVERTISEMENT --
Nagpagawas og hugot nga pasidaan ang Estados Unidos batok sa Iran kon mapakyas ang padayong pakigsabot tali sa duha ka nasod.
Sumala sa White House Press Secretary nga si Karoline Leavitt, mas gipili ni US President Donald Trump ang malinawon nga resolusyon kaysa mosamot ang tensyon ug gubat.
Giingon niya nga nakita sa presidente ang grabeng kadaot ug pagkawala sa kinabuhi, busa gikinahanglan nga mapahunong ang panagbangi.
Bisan pa niini, gipasiugda nga kon magpadayon ang Iran sa pagdumili sa kasamtangang kahimtang, dili magduha-duha ang US sa paghimo og mas lig-on nga aksyon.
Samtang nagpadayon ang tensyon, gihikay usab sa White House ang usa ka miting uban sa Iran isip bahin sa diplomatikong paningkamot aron malikayan ang dugang nga kasamok.
-- ADVERTISEMENT --
