Nagpahamtang ang Estados Unidos og mga silot batok sa International Criminal Court (ICC) President Tomoko Akane ug senior trial lawyer nga si Abdoulaye Seye niadtong Agosto 18.
Sumala ni US Secretary of State Marco Rubio, direktang nalambigit sila sa mga paningkamot sa ICC nga mag-imbestiga o magpasaka og kaso batok sa mga opisyal kansang mga gobyerno wala mouyon sa hurisdiksyon sa korte.
Lakip niini ang mga kaso batok kang Israeli Prime Minister Benjamin Netanyahu.
Ang mga silot nga gipang-freeze ang ilang mga asset nga anaa sa hurisdiksyon sa US ug pagdili sa ilang access sa American financial system.
Gikondenar sa ICC ang maong lakang, nga nag-ingon nga ang pagpanghulga sa mga opisyal sa korte tungod sa ilang pagpatuman sa balaod makapahuyang sa international legal order.
Ang maong aksyon kabahin sa mas lapad nga kampanya sa administrasyong Trump batok sa ICC, nga kaniadto nagpahamtang na usab og silot batok sa ubang mga opisyal sa korte tungod sa mga imbestigasyon nga nalambigit sa US ug Israel.
