CEBU – Mokabat sa 70 ka partisipante ang gilaumang mosalmot sa educational fair nga gikatakda karong umaabot nga Sabado, Agosto, sa usa ka hotel sa North Reclamation Area (NRA), Cebu City.
Nipahibawo ang United States Embassy sa Manila sa usa ka press briefer niadtong Huwebes, Agosto 25, nga ilang ipahigayon ang EducationUSA (EdUSA) diin mohatag og libreng advising services ang mga representante gikan sa United States government ug universities alang sa mga Pilipino nga gustong ipadayon ang ilang pagtuon sa U.S.
Gikatakdang ipahigayon ang EdUSA sa Radisson Blu Hotel.
Nasayran nga nibisita si Public Affairs Officer sa US Embassy sa Manila, John Groch ug uban sa ubang mga opisyal sa Sugbo niadtong Huwebes aron i-promote ang EdUSA.
Tumong niini ang pagtabang sa mga Pilipino sa pagpangita sa hustong mga programa ug unibersidad alang sa ilang undergraduate ug graduate studies sa U.S.
Gani, nakahukom sila nga sugdan ang educational fair sa Sugbo sa paglaom nga maabi-abi pa ang mga estudyante gikan sa Visayas region.
