Gipadala dayon sa US military ang mga sundalo niini sa Israel aron motabang sa pagmonitor sa pagtuman sa ceasefire sa Gaza.
Ang mga sundalo nga gipadala kay kaniadto nakabase sa Middle East.
Magtukod ang militar sa US og multinational taskforce sa Israel o nailhan isip civil-military coordination center.
Dinhi ilang kauban ang mga sundalo gikan sa Egypt, Qatar, Turkey ug United Arab Emirates.
Dili usab magbutang og mga sundalo ang US sa Gaza tungod kay ang ilang trabaho mao ang paghimo og Joint Control Center nga mokontrol sa mga multinational forces.
Ang taskforce pangunahan sa US Central Command nga nakabase sa Middle East ug bantayan ang pag-uswag sa kasabutan sa ceasefire.
Motabang usab sila sa pag-coordinate sa humanitarian aid nga ipang-apod.
Samtang ang multinational forces kay mohatag og impormasyon sa Hamas ug Israel pinaagi sa Egypt ug Qatar sa ground situation.
Kahinumdoman nga giaprobahan sa gobyerno sa Israel ang unang bahin sa Gaza deal uban sa Hamas, nga matapos sa usa ka ceasefire ug ang pagpagawas sa mga hostage ug mga binilanggo.
