Gianunsyo sa Estados Unidos nga maghatag kini og maritime fund alang sa mga nasud sa Indo-Pacific Region, ug lakip na niini ang Pilipinas.
Ang maritime fund gamiton aron matabangan ang mga nasud sa pagpanalipod sa ilang katubigan ug pagbatok sa mgaillegal maritime activities nga nakalapas sa internasyonal nga mga balaod.
Ang bag-ong pondo sa US nagtumong usab sa pagpalig-on sa maritime law enforcement capacity sa mga nasud sa rehiyon, apil ang Vietnam, Indonesia, Malaysia, Pacific Islands, Pilipinas ug uban pang maritime South Asian nga mga nasud.
Niluwat kini nga pamahayag ni US Secretary of State Marco Rubiong atol sa pag co-host sa usa ka maritime ministerial meeting sa United Nations General Assembly sa New York.
Diin sa iyang pamahayag, gisaway ni Rubio ang pagpalapad sa China ug dili makiangayon nga pag-angkon sa maritime sa gikaaway nga kadagatan nga naglangkob sa West Philippine Sea ug sa makadaut nga mga buhat niini.
Sa susamang panagtigum, giawhag usab ni Philippine Foreign Affairs Secretary Theresa Lazaro ang mga nasud nga sawayon ang mga molapas sa internasyonal nga balaod sa maritime ug moapil sa mga agresibong aksyon nga nagbutang sa peligro sa mga kinabuhi ug makadaot sa seguridad sa mga barko ug ayroplano.
