US Sec. of State Rubio, misuporta sa depensa sa Saudi Arabia batok sa pag-atake sa Houthi

Gisuportahan ni US Secretary of State Marco Rubio ang katungod sa Saudi Arabia nga depensahan ang kaugalingon batok sa mga pag-atake sa mga rebeldeng Houthi.

Matod ni Rubio, adunay katungod ang Saudi Arabia nga mapanalipdan ang kaugalingong teritoryo batok sa bisan unsang hulga.

Gipahayag usab niya nga sama niini, adunay katungod ang gobyerno sa Yemen nga depensahan ang ilang kaugalingong nasod.

Gipasiugda ni Rubio nga adunay kasabotan sa seguridad tali sa Estados Unidos ug Saudi Arabia, nga padayon nilang gituman.

Kahinumdoman nga gipuntirya sa mga Houthi ang pipila ka kritikal nga imprastraktura sa Saudi Arabia.