Gikondena ni US Secretary of State Marco Rubio ang China tungod sa pagdakop sa kapin sa 30 ka miyembro ug mga lider sa dili rehistradong Zion Church sukad niadtong Oktubre 9.
Sa usa ka pamahayag niadtong Domingo, Oktubre 12 kay nanawagan si Rubio nga buhian dayon ang mga dinakpan ug gitawag ang insidente nga paglapas sa kagawasan sa relihiyon.
Ang Zion Church, nga gitukod sa Beijing kaniadtong 2007, nagpadayon sa pag-operate sa mga 40 ka lungsod bisan pa nga gimandoan nga isira sa mga awtoridad kaniadtong 2018.
Usa ka tigpamaba sa Chinese Foreign Ministry nagdumili sa paghatag og mga detalye ug miingon nga wala sila mahibalo sa insidente.
Gidugang sa opisyal nga kusganong gisupak sa Beijing ang bisan unsang pagpanghilabot sa US sa mga internal affairs sa China gamit ang isyu sa relihiyon.
Ang insidente kabahin sa mas estrikto nga polisiya sa China batok sa dili rehistradong mga relihiyosong grupo, nga nagpatunghag mga kabalaka sa daghang nasod sa Western hemisphere.
