Nagtaho ang state television sa Iran nga ang Tehran nakakuha og draft sa usa ka preliminary memorandum of understanding (MoU) uban sa Estados Unidos mahitungod sa posibleng pagtapos sa panagbangi tali sa duha ka nasud.
Sumala sa report, ang draft framework nag-ingon nga ang Iran mobalik sa normal nga lebel sa komersyal nga pagpadala sa Strait of Hormuz o sa wala pa ang gubat sulod sa usa ka bulan. Baylo niini, ang Estados Unidos mo-withdraw sa mga pwersa militar niini duol sa Iran ug tapuson ang naval blockade.
Sumala sa Iranian state TV, ang framework wala pa nahuman ug ang Tehran dili mohimo og aksyon hangtod nga adunay “tangible verification” o konkreto nga mga pasalig sa mga kasabutan.
Ang draft nag-ingon usab nga ang mga barkong militar wala gilakip sa kasabutan ug nga ang Iran ang modumala sa pag-agi sa mga barko agi sa Strait of Hormuz sa kooperasyon sa nasud sa Oman.
Dugang pa, kung adunay katapusang kasabutan sulod sa 60 ka adlaw, mahimo kini nga aprubahan isip usa ka nagbugkos nga resolusyon sa United Nations Security Council.
Nahibal-an nga ang kasabutan tali sa U.S. ug Iran naggikan sa dili direkta nga mga panagsulti nga nagsugod pagkahuman sa pagsugod sa gubat kaniadtong Pebrero. Diin ang Pakistan ang panguna nga tigpataliwala alang sa ceasefire.
