Nagpakita sa ilang dakong kasing-kasing ang mga Sugboanon nga miyembro sa Meteor Smashers Badminton Club nga nipadayag sa ilang pakighiusa sa mga naapektuhan sa Amihanang Sugbo human niigo ang magnitude 6.9 nga linog sa katapusang adlaw sa buwan sa Setyembre.
Usa ang grupo sa mga nitabang ug personal nga niadto sa nagkandaiyang dapit sa Norte aron ipaabot ang ilang mga natigom nga mga tubig, pagkaon, ug uban pa nga magamit sa mga biktima sa linog.
Ingon man nga mitigbabaw ang kalipay nga nabati sa grupo hilabi na nga nagmalampuson ang ilang operasyon.
Kini ang gipaambit ni Gretchen Tito, ang founder sa Club diin dili gayud mabayran ang ilang kasinatian tungod sa mga nisugat nga mga pahiyom ug mga tawo nga puno gihapon sa paglaom bisan paman sa ilang makagun-ob nga giagian.
Kulba-hinam usab ang nabati ni Cheryl Torbiso, ang Co-founder sa Meteor Smashers Badminton Club hilabi na nga naka-desidar ang ilang team nga mosaka pa sa bukid nga bahin sa San Remigio aron mohatod og tabang gumikan nihit sila nga makadawat sa hinabang.
Gani, nihangyo pa kini nga dili nalang modayon tungod sa kakuyaw sa dalan nga gitung-an og mga pang-pang ug giduyogan pa sa mga pag-uyog niadtong higayona, apan wala kini nahimong babag sa ilang tumong nga makahatod og tabang sa mga ka-igsuonan nga hilabihan nga naapektuhan sa katalagman.
Gani, ang kakuyaw ug kakulba nga nabati ni Torbiso kay nabayran ragayud og kalipay nga walay kabutangan sa mga matam-is nga tisngi sa mga tawo nga ilang nahatadan og tabang.
Mapasalamaton usab si Anthoniel Apilan, ang admin Club sa mga nipaabot og mga tabang, ingon man sa mga nitubag gayud sa ilang mga operation drive aron makatabang ngadto sa mga naapektuhan sa Amihanang Sugbo.
Dugang pa niini nga nahatagan gayud ang mga angayan nga mahatagan ug walay kabutangan ang ilang kalipay nga sa hamubo nga higayon ug sa tubig nga ilang nadunol kay nakapawala sa ilang kauhaw.
