CEBU CITY-Nakabsan sa kinabuhi ang usa ka driver sa fuel taker gumikan sa disgrasya nga naglambigit sa duha ka tanker sa Dakbayan sa Talisay pasado alas 4 sa buntag ning adlaw nga Miyerkules, Nobyembre 8, sa Sitio Uldog, sa may Cebu South Coastal Road.
Mao kini ang gibutyag usab sa hepe sa City of Talisay Traffic Operations Development Authority (CTTODA) Jonathan Tumulak.
Asoy sa opisyal nga nagsunoray ang duha ka tanker nga pareho og companya nga pulos wa nay mga sulod paingon sa south nga bahin, sa wala pa mahitabo ang maong insidente.
Gibutyag ni Tumulak basi sa pagresponde sa mga traffic enforcer nga walay naangkon nga kadaot ang driver sa tanker nga midumbol, apan may gasgas dapit sa iyahang tiil.
Dugang pa nga daan na nga naglisod og ginhawa ang naasoy nga driver hinungdan nga kini gidala sa South Medical Center apan dead on arrival.
Ingon man nga padayun ang imbestigasyon sa CTTODA alang sa pag-susi sa hinungdan sa kamatayon sa maong driver.
Samtang ang usa ka drayber sa tanker nga nadumbolan wala naka-angkon og samad sa iyahang lawas gumikan nga napahimutang niya kini kilid sa dalan.
Sa laing bahin, gisulti sa CTTODA head nga walay pasakahan og kaso hinungdan nga namatay ang maong drayber ug usa ra ka kompanya ang duha ka truck, ug mamahimong ma-settle ang maong insidente.
Sunod nga buhaton sa ilahang imbestigador mao ang pagpatawag sa tig-balay ug ipa-abot sa management ang concerns aron ma-settle ang mga kadaot nga masayran sa maong panimalay.
