Usa ka drug suspect nasikop sa buy-bust operation sa Dauis Intel Operatives

Nasikop ang usa ka drug suspect nga giilang si Alan Olalo Remolador 53 anyos, minyo, walay trabaho nga taga Purok-4, Basak Taloto, Tagbilaran City, Bohol.

Ang maong buy-bust operation gipahigayun sa mga sakop sa Dauis Intel Operatives pinangulohan ni PLt.Thomas Zen Cheung.

Atol sa operasyon nakuhaan ug 207 gramos sa gituohang shabu ang suspect diin nibalor kini sa P1,407,600.00.

Kasamtangang gipaslak karon sa locked up cell sa Dauis Municipal Police Station ang suspect samtang gihikayan ug tukmang kaso.

Panawagan nalang ni PLt.Cheung ngadto sa publiko nga dili nalang gyud malambigit sa pagpayuhot ug ginadiling drugas sanglit seryuso ang atong kapulisan sa pagpuhag sa maong problema.