CEBU – Naugdaw ang usa ka establisyemento nga naa nahimutang sa L. Abad St., Poblacion, Barili, Cebu kaganinang kadlawn.
Natala sa Barili Fire Department ang alarma pasado alas-4:41 sa buntag human adunay mga kabatan-onan ang mitaho sa Barili Fire Station kalabot sa maong panghitabo.
Duha gilayon ka fire trucks uban sa unom (6) ka personnel ang na-dispatch sa lugar.
Nasayran nga dako na ang kayo dihang naabot ang mga bombero apan wala pa kini makatapon sa laing structure o balay.
Light materials ang maong one story establishment nga naglangkub sa karenderya, lumber ug furniture shop nga gipanag-iya sa usa ka Pedro Ricablanca ug anak nga si Cheryl Ricablanca-Superales.
Hingpit nga nakontrolar ang sunog pasado na alas-4:50AM.
Base sa inisyal nga imbestigasyon, gibana-banang unang nagsugod ang kayo sa abuhan sa maong lugar diin matod sa stay-in helper nga lalaki nga anaa sa karenderya nakamata nalang kini sa kainit sa palibot.
Gisusi karon sa fire investigator ang posibleng tinak-ang sa abuhan ang hinungdan sa maong sunog.
