Nagpabiling walay kasayuran sa kahimtang karon sa usa ka Pinoy kinsa opisyal nga narehistro nga nawala human sa nahitabong kusog ug pinakalit nga pagbaha sa Nepal niadto pang Agosto 26.
Sumala sa Nepal Tourism Board, ang maong Pinoy nalakip usab sa 644 ka mga tawo nga gitaho nga nawala tungod sa kalit nga pagbaha nga miigo sa lainlaing mga lugar sa naasoyng dapit.
Nahitabo ang kalit nga pagbaha sa Bhote Koshi ug Trishuli River sa mga dapit sa Rasuwa, Nuwakot, Dhading, ug Gorkha, diin tungod sa maong trahedya, kapin na sa 300 ka tawo ang kumpirmadong namatay.
Nagpadayon gihapon ang walay hunong nga pagpangingita sa mga awtoridad sa tanang nawala, samtang ang pipila ka silingang nasod nagpadala na usab og ilang mga rescue team aron makatabang sa mas paspas nga operasyon.
