CEBU – Nangandam na ang usa ka babaye sa Texas kinsa midagan na og 999 ka marathon alang sa iyahang gipaabot nga ika-1000 nga pagdagan karong semahana nga maghimo usab kaniya nga labing unang babaye sa US nga nakahimo sa maong butang.
Gibutyag ni Angela Tortorice sa Dalaas, nga wala kini magdahom nga mahimong usa ka serial marathon runner sa dihang midagan kini sa iyang unang lumba.
Nakadesisyon na kini kaniadto nga dili na modagan pa apan nausab ang hunahuna niini ug niadtong 2013 nakuha ang usa ka Guinness World Record pinaagi sa pagdagan og 129 ka marathon kada tuig.
Si Tortorice, kinsa nakadagan og labing menos lima ka marathon sa matag estado sa U.S., miingon nga modagan kini sa iyang ika-1,000 nga lumba karong hinapos sa semana sa Irving Marathon sa Texas.
Ang pagkompleto sa karera maghimo kaniya nga unang babaye sa U.S. nga nakaabot sa milestone nga gidaghanon sa mga marathon.
Sa katapusan giklaro ni Tortorice, nga wala kini tuyo nga mohunong sa pagdagan sa mga marathon human makatabok sa iyang ika-1,000 nga finish line ug gihimug-atan nga nahimo na kini niya nga habit diin labaw pa kini sa pagbu-ak og mga rekord.
