METRO MANILA-Gusto ni Department of Agriculture (DA) Secretary Francisco P. Tiu Laurel Jr. nga lugwayan og usa ka tuig ang trial period sa P29 Rice Program.
Kini aron makatigom og igong datos ug masiguro ang ubos nga presyo sa bugas alang sa mas daghang Pilipino, samtang gimintinar ang kita sa mga mag-uuma.
Matud pa ni Secretary Laurel nga tumong niining maong programa mao ang pagtino kon posible ba nga mapadayon ang ubos nga presyo sa bugas sa taas nga panahon pinaagi sa tabang sa gobyerno.
Ubos sa P29 Rice Program, ang mga kabus nga sektor sama sa mga kabus, senior citizens, persons with disabilities, ug single parent makapalit og dekalidad nga bugas.
Gawas sa National Food Authority, gitan-aw usab sa DA ang suplay sa bugas gikan sa kontrata sa National Irrigation Administration sa mga mag-uuma nga makasuplay sa mga sentro sa Kadiwa.
Dugang ni Secretary Laurel nga ang programa ipalapad sa ubang mga lugar sa Luzon sa Agosto o Septiyembre, ug sa katapusan ngadto sa tanang 1,500 ka lungsod sa nasod.
Kahinumduman nga nagsugod karong buwana ang trial run sa P29 Rice Program sa 10 ka Kadiwa centers sa Metro Manila ug Bulacan.
