-- ADVERTISEMENT --
CEBU – Nailhan na ang usa sa duha ka patayng lawas nga napalgan sa Purok Narra, Brgy Tubtubon, Sibulan, Negros Oriental kaganihang buntag base sa identification card nga nakuha sa kapulisan sa lawas sa biktima.
Base sa taho sa Sibulan Municipal Police Station, naila ang usa ka biktima nga si Khalil Acmad Ampuan, 29, ulitawo, nagpuyo sa San Jose Extension, Dumaguete City apan lumad nga taga Lanao del Sur.
Sigon pa sa kapulisan, nagsakay ang mga biktima sa Honda RS nga motorsiklo kolor itom nga walay plate number gikan sa norte paingon sa habagatang bahin nga direksyon.
Pag-abot sa lugar nga nahitaboan, aksidenteng na-overshoot ang motor ug nahulog sa sapa diin gituohan nga nalumos ang drayber ug ang sakay niini.
