Vaccine Company, andam sa paghimo sa 10-M ka mga bakuna batok sa Mpox

Mipahibalo ang Danish nga drugmaker nga Bavarian Nordic sa ilang kaandam batok sa Monkey pox.

Sumala sa kompanya, makahimo sila og 10 milyon nga mga bakuna sa tuig 2025.

Si Rolf Sass Sorensen, ang bise presidente sa kompanya, niingon nga karong tuiga aduna na silay duha ka milyon ka mga doses sa maong virus.

Naghulat na lang sila sa mga order gikan sa nasud nga nanginahanglan sa bakuna sa wala pa maghimo daghang produksyon.

Kahinumduman nga gideklarar sa World Health Organization ang monkeypox isip global public health emergency tungod sa pagdaghan sa mga kaso niini sa kontinente sa Africa.