CEBU – Gipahibalo sa Visayan Electric Company (VECO) nga sugdan na nila ang pagpamutol ug kuryente karung buwana.
Matud ni Queenie Bronce, ang tigpamaba sa VECO, nga sukad sa paglabay sa bagyong Odette kay wala sila mamutol ug kuryente, hangtud na sa pagbalik sa meter reading subay sa hangyo sa Energy Regulation Commission (ERC), ingon man nga ilahang gilugwayan ang ‘billing due date’ hangtud sa katapusan sa Marso, arun sa paghatag ug kahigayonan sa mga kunsomidor nga makabayad.
Apan karung buwana kay sugdan na sa VECO ang pagpamutol ug kuryente niadtong wala makabayad sulod na sa duha ka buwan.
Hinuon, gitino ni Bronce nga mahimo man nga mag-apply ang konsumidor ug payment arrangement kung dili gayud kini makabayad ug tibuok sa electric, diin sa maong pamaagi mahimo kini nga magbayad pinaagi sa installment.
