-- ADVERTISEMENT --
CEBU CITY- Nipadayag sa ilang kabalaka ang mga vendor sa Carbon Public Market sa gisugyot nga usbaw sa mga bayronon, nga mahimo nilang hinungdan nga usbawan ang presyo sa mga palaliton kung kini magpadayon.
Kini human ang Cebu City Council nisugyot nga usbawan ang abang ug entrance fee sa mga vendor subay sa Carbon redevelopment project.
Matod ni Lydwena Eco, Cebu2World Development Inc. (C2W) deputy general manager, nga ang proyekto sa pag-usab sa merkado hapit 10 porsyento nga nahuman.
Ubay-ubay na nga mga vendors ang nag-okupar sa bag-ong Carbon Market Interim Building, usa sa mga inisyatiba sa market redevelopment project aron sa pag-cater sa mga vendors samtang nagpadayon pa ang pagtukod sa nag-unang merkado publiko.
