Venus Williams, mohimo og kasaysayan pinaagi sa pagbalik sa Australian Open

Gikataka nga mohimo og kasaysayan sa Australian Open ang seven-time grand slam singles champion nga si Venus Williams.

Kini human siya nakadawat og wild-card entry sa torneyo nga magsugod sa Enero 18 sa Melbourne.

Sumala sa organizer, ang 45-anyos nga tennis star mobalik sa Melbourne Park, 28 ka tuig human sa iyang unang pagpakita.

Niadtong 1998, iyang gipildi ang iyang manghod nga si Serena sa ikaduhang round sa wala pa mapildi kang Lindsay Davenport sa US sa quarterfinals.

Una nga gipahibalo ni Venus niadtong Nobyembre nga siya magdula sa Auckland, New Zealand, diin nakadawat siya og wild card duha ka semana sa wala pa ang Australian Open.